చిత్తూరు జిల్లా పుంగనూరు మండలం మెలుందొడ్డి గ్రామ సమీపంలో ద్విచక్రవాహనంపై గంజాయిని తరలిస్తున్న ఇద్దరిని పోలీసులు పట్టుకున్నారు. వారిని పుంగనూరులోని భగతసింగ్ కాలనీకి చెందిన భీమయ్య, వెంకటేష్ గా గుర్తించారు.
విశాఖ ప్రాంతం నుంచి గంజాయిని తక్కువ ధరతో తెచ్చి ఇక్కడ చిల్లరగా విక్రయిస్తున్నట్టు గుర్తించామని పోలీసులు చెప్పారు. వారి వద్ద ఉన్న ద్విచక్రవాహనంతో సహా 12 కిలోల గంజాయిని స్వాధీనం చేసుకున్నామని తెలిపారు.