తిరుమలలో కారీరిష్టి యాగం పరిసమాప్తి

సకాలంలో వర్షాలు కురిసి... పాడి పంటలతో దేశం కళకళలాడుతూ ఉండాలని కోరుతూ తిరుమలలో చేపట్టిన వరుణ యాగం ముగిసింది. ఐదు రోజుల పాటు రోజుకో ప్రత్యేకతతో సాగిన ఈ యాగం... మహాపూర్ణాహుతితో సమాప్తమైంది.

తిరుమలలో ఐదురోజులుగా నిర్వహిస్తున్న వరుణయాగం... పూర్ణాహుతి కార్యక్రమంతో వైభవంగా ముగిసింది. దేశం నలుమూలలా వర్షాలు సమృద్ధిగా కురిసి... పాడి, పంటలతో ప్రజలు సుభిక్షంగా ఉండాలని కోరుతూ కారీరిష్టి పేరుతో తితిదే ఈ యాగం నిర్వహించింది. ఐదు రోజులుగా పార్వేట మండపం వద్ద వరుణయాగం, వరాహపుష్కరిణి చెంత వరుణజపం, ఆస్థాన మండపంలో విరాటపర్వం పారాయణం, నాదనీరాజనం వేదికపై అమృతవర్షిణి రాగాలాపన... కపిలతీర్థంలో పర్జ్యన్య శాంతియాగాలను రుత్వికులు నిర్వహించారు. చివరగా మహాపూర్ణాహుతితో క్రతువును ముగించారు.

ఇవీ చూడండి-అంతరిక్షరంగంలో యువత నైపుణ్యం సాధించాలి: ఇస్రో ఛైర్మన్​