తితిదే పరిధిలోకి మరో రెండు దేవాలయాలు

కృష్ణా, చిత్తూరు జిల్లాల్లోని రెండు దేవాలయాలను తితిదే పరిధిలోకి తీసుకువస్తూ... ప్రభుత్వం ఆదేశాలు జారీచేసింది. ఈ రెండు దేవాలయాల నిర్వహణ, అభివృద్ధి బాధ్యతలను ఇకపై తితిదే చేపట్టనుంది.

కృష్ణా, చిత్తూరు జిల్లాల్లోని రెండు దేవాలయాలను తితిదే పరిధిలోకి తెస్తూ... ప్రభుత్వం ఉత్తర్వులు జారీచేసింది. కృష్ణా జిల్లా నిమ్మకూరులోని వేంకటేశ్వరస్వామి ఆలయం, చిత్తూరు జిల్లా కందులవారిపల్లిలోని శేషాచల లింగేశ్వరస్వామి ఆలయాలను తిరుమల తిరుపతి దేవస్థానం పరిధిలోకి తీసుకువచ్చినట్లు ప్రభుత్వం తెలిపింది. ఈ రెండు ఆలయాల అభివృద్ధి, పునరుద్ధరణతోపాటు నిర్వహణ బాధ్యతలను తితిదే చేపట్టనుందని దేవాదాయశాఖ ఆదేశాల్లో పేర్కొంది. ఈ మేరకు రెవెన్యూ శాఖ కార్యదర్శి ఉషారాణి ఉత్తర్వులు ఇచ్చారు.

ఇదీ చదవండి :వెంకటేశుని నివాసం... ప్లాస్టిక్​ రహితం...