చిత్తూరు జిల్లా పుంగనూరుకు చెందిన ఓ మహిళ కరోనాతో బాధపడుతూ చికిత్స కోసం తిరుపతిలోని ఓ ప్రైవేటు ఆసుపత్రిలో చేరారు. మహమ్మారితో పోరాడుతూ.. ఆమె మృతి చెందారు. మెడలోని బంగారు మంగళసూత్రం లేకపోవటాన్ని గమనించిన కుటుంబ సభ్యులు.. ఆసుపత్రి సిబ్బందిని ప్రశ్నించారు.
వారు నిర్లక్ష్యంగా సమాధానం చెప్పడంపై ఆగ్రహించారు. ఆసుపత్రిలో చేరే సమయంలో మెడలో గొలుసు ఉన్న వీడియోతో మృతురాలి కుటుంబ సభ్యులు అలిపిరి పోలీస్ స్టేషన్లో ఫిర్యాదు చేశారు. గొలుసు దొంగతనానికి పాల్పడ్డ వ్యక్తులను పట్టుకునేందుకు పోలీసులు దర్యాప్తు ప్రారంభించారు.