చిత్తూరు జిల్లా చంద్రగిరి మండలం కల్యాణి డ్యామ్ వద్దగల పోలీస్ శిక్షణ కళాశాల ప్రిన్సిపాల్ సూర్య భాస్కర్ రెడ్డి మంగళగిరి ఇంటలిజెన్స్కు బదిలీ అయ్యారు. ఈ నేపథ్యంలో ఆయనకు కళాశాల అధికారులు, సిబ్బంది ఘనంగా వీడ్కోలు పలికారు. నాలుగున్నర ఏళ్లుగా పీటీసీకి సూర్య భాస్కర్ రెడ్డి చేసిన సేవలను, అభివృద్ధిని కొనియాడారు.
ఆయన పని చేసిన కాలేజీని రాష్ట్రంలోనే మంచి గుర్తింపు కలిగిన పోలీసు కళాశాలగా తీర్చిదిద్దారని వక్తలు అన్నారు. సామాజిక సేవా దృక్పథంతో ఇప్పటివరకు ముప్పై నాలుగు బ్లడ్ క్యాంపులు నిర్వహించారని, అది పీటీసీకి గర్వకారణమని పేర్కొన్నారు. అధికారులు ఆయనను ఘనంగా సత్కరించి జ్ఞాపికలను అందజేశారు. సూర్య భాస్కర్ రెడ్డిని కారులో కళాశాలలో ఊరేగించారు. అధికారలు కారును తాళ్లతో లాగి అభిమానాన్ని చాటుకున్నారు.
ఇదీ చదవండి:ఏర్పేడు అటవీ ప్రాంతంలో స్మగ్లర్లు.. టాస్క్ఫోర్స్ దాడులు