చిత్తూరు జిల్లా శ్రీకాళహస్తిలో కరోనా కేసులు రోజురోజుకూ పెరుగుతున్నాయి. వైరస్ కేసుల పెరుగుదలతో స్థానికులు, అధికారులు తీవ్ర ఆందోళన చెందుతున్నారు. పట్టణానికి చెందిన ఓ విద్యార్థికి ఈనెల 11న పాజిటివ్ అని ఫలితం వచ్చింది. అతని కుటుంబ సభ్యులు, స్నేహితులకూ ఈ వైరస్ సోకింది.
తాజాగా.. బహదూర్పేటకు చెందిన ఇద్దరు వ్యక్తులకు కరోనా నిర్ధరణ కాగా.. వారిని చికిత్స నిమిత్తం తిరుపతి ఆసుపత్రికి పంపించారు. కరోనా మరింత విస్తృతం కాకుండా ఉండేందుకు అధికారులు తీవ్రంగా శ్రమిస్తున్నారు. ప్రజలు స్వీయ నియంత్రణ పాటిస్తూ ఇళ్లకే పరిమితం కావాలని విజ్ఞప్తి చేశారు.