సౌదీలో మృతి చెందిన భర్త మృతదేహం కోసం పడిగాపులు...!
పొట్టకూటి కోసం సౌదీ అరేబియా వెళ్లిన చిత్తూరు జిల్లా కొటాల గ్రామానికి చెందిన బోడిబుట్ట అమీన్ పీర్.. గత నెలలో గుండెపోటుతో మృతి చెందాడు. నెలలు గడుస్తున్నా... తన భర్త మృతదేహాన్ని తమకు అప్పగించలేదని అతని భార్య హాతీమా ఆవేదన చెందుతుంది. అమీన్ పీర్కు రావాల్సిన ఆరు నెలల జీతం వచ్చేలా చూడాలని కోరింది. తమ కుటుంబానికి ఏ ఆధారం లేదని ఆవేదన చెందింది. తన భర్తను సౌదీకి పంపిన ఏజెంట్... ఇప్పుడు మృతదేహాన్ని అప్పగించకుండా, తాము రూ.15 లక్షలు డిమాండ్ చేశామనే దుష్ప్రచారం చేస్తున్నాడని బాధితురాలు ఆరోపించింది. చిత్తూరు జిల్లా అధికారులు, విదేశాంగ అధికారులు స్పందించి తన భర్త మృతదేహాన్ని తమకు అప్పగించాలని వేడుకుంది.