దంపతులు స్వర్ణభస్మం తాగితే.. పిల్లలు పుడతారని ఓ జంటను నమ్మించారు ఇద్దరు మోసగాళ్లు. కేటుగాళ్ల మాయలో పడిన దంపతులు రూ. 25 వేల నగదు చెల్లించారు. నిందితులు నగదుతో పాటు.. బాధితుల సెల్ఫోన్తో సహా ఉడాయించారు. ఈ ఘటన చిత్తూరు జిల్లా కొత్తశానంబట్లలో జరిగింది.
కొత్తశానంబట్లకు చెందిన ఈశ్వర్రెడ్డి, భానుప్రియ దంపతులు. పెళ్లి అయ్యి ఐదేళ్లు గడుస్తున్నా.. పిల్లలు పుట్టలేదు. ఏప్రిల్ 23న గుర్తు తెలియని ఇద్దరు వ్యక్తులు వీరి ఇంటికి వచ్చారు. తాము ఓ ఆయుర్వేదిక్ సంస్థలో పని చేస్తున్నామని పరిచయం చేసుకున్నారు. పిల్లలు పుట్టేందుకు స్వర్ణభస్మం, ఇస్తామనీ.. ఈశ్వర్రెడ్డి పనులకు వెళ్లటం వలన ఒంట్లో వేడి ఎక్కువయ్యిందనీ, దాన్ని తగ్గించేందుకు బెల్ట్ ఇస్తామన్నారు. వీటికి రూ. 25 వేల నగదు చెల్లించాలని వివరించారు. మెుదట కేటుగాళ్ల మాట నమ్మకపోయినా.. ఈశ్వర్ రెడ్డి తల్లి చెంచమ్మ.. కోడలికి సంతానం కలుగుతారన్న ఆశతో అప్పు చేసి మరీ నగదు చెల్లించారు. ఒక్కరోజులో స్వర్ణభస్మం, బెల్ట్ తీసుకువస్తామని.. నిందితులు నగదుతో పాటు బాధితుల ఫోన్తో పరారయ్యారు.