జూలై 1 నుంచి తిరుమల తిరుపతి దేవస్థానం వసతి గదుల బుకింగ్లో స్వల్పమార్పులు చోటు చేసుకోనున్నాయి. తిరుపతిలోని విష్ణు నివాసం, శ్రీనివాసం, మాధవం వసతి సముదాయాల్లో గదుల బుకింగ్లో మార్పులు జరగనున్నాయి. భక్తుల విష్ణునివాసం వసతి సముదాయంలో అన్ని గదులను కరంట్‌ బుకింగ్లో మాత్రమే కేటాయిస్తారు. ఇక్కడ భక్తులు గదులు పొందిన సమయం నుంచి 24 గంటలలోపు ఖాళీ చేయాల్సి ఉంటుంది.
శ్రీనివాసం, మాధవం వసతి సముదాయాల్లో అన్ని గదులను ఆన్‌లైన్‌లో భక్తులు బుక్‌ చేసుకునే అవకాశం కల్పించారు. ఇక్కడ ఉదయం 8 నుంచి మరుసటిరోజు ఉదయం 8 గంటల వరకు 24 గంటల స్లాట్‌ విధానం అమల్లో ఉంటుంది. బుక్‌ చేసుకున్న సమయం కంటే ఆలస్యంగా చేరుకున్నా.. నిర్దిష్ట సమయానికి ఖాళీ చేయాల్సి ఉంటుంది. భక్తుల సౌకర్యార్థం ఈ నిర్ణయం తీసుకున్నట్లు తితిదే వెల్లడించింది