అన్ని వర్గాల సమగ్రాభివృద్ధే లక్ష్యం: ఉప ముఖ్యమంత్రి

సమాజంలోని అన్ని వర్గాల అభివృద్ధే లక్ష్యంగా ప్రభుత్వం ముందుకెళ్తోందని ఉపముఖ్యమంత్రి కె.నారాయణ స్వామి అన్నారు. చిత్తూరూలో పోలీసు గ్రౌండ్​లో నిర్వహించిన స్వాతంత్య్ర దినోత్సవాల్లో ఆయన పాల్గొన్నారు.

స్వాతంత్య్రం కోసం బ్రిటిష్ పాలనకు వ్యతిరేకంగా ఉద్యమాలు చేసి.. ప్రాణాలను సైతం తృణప్రాయంగా అర్పించిన త్యాగధనులను స్మరించుకోవాలని ఉప ముఖ్యమంత్రి కె. నారాయణ స్వామి అన్నారు. చిత్తూరులోని పోలీసు గ్రౌండ్​లో నిర్వహించిన 74వ స్వాంతంత్య్ర దినోత్సవాల్లో పాల్గొన్న ఆయన... మహిళలు, రైతులు, యువతను రాష్ట్రాభివృద్ధిలో భాగస్వామ్యులను చేస్తున్నామని చెప్పారు.

పేద, బడుగు, బలహీన వర్గాలకు సంక్షేమ పథకాలు అందించి.. సమగ్రాభివృద్ధిని సాధించడమే లక్ష్యంగా ముందుకు వెళ్తున్నామని పేర్కొన్నారు. సీఎం జగన్​ చేపడుతున్న కార్యక్రమాలకు ప్రతి ఒక్కరూ సంపూర్ణ సహకారాన్ని అందించాలని.. ఆయనకు అండగా నిలవాలని కోరారు.