"జగన్, చంద్రబాబు ఇద్దరూ వ్యాధి గ్రస్తులే..."

తాడికొండ శాసన సభ్యురాలు శ్రీదేవి అసెంబ్లీలో చేసిన వ్యాఖ్యలతో అందరూ ఆశ్చర్యపోయారు. ఒకేసారి... "జగన్, చంద్రబాబు ఇద్దరూ వ్యాధి గ్రస్తులే.." అంటూ వ్యాఖ్యానిచడంతో తెదేపా సభ్యులు అభ్యంతరం తెలిపారు. స్పీకర్ సైతం కలుగ చేసుకుని... అసలు విషయంలోకి రావాలంటూ సూచించారు.

వైకాపా శాసన సభ్యురాలు శ్రీదేవి వ్యాఖ్యలు అసెంబ్లీలో దుమారం రేపాయి. సభలో ఇద్దరు వ్యాధి గ్రస్తులు కనిపిస్తున్నారని ఆమె అనడంతో తోటి సభ్యులు అవాక్కయ్యారు. " నేను డాక్టర్​ని నాకు రోగుల సైకాలజీ తెలుసు... జగన్​కు జనం అనే వ్యాధి ఉంది... చంద్రబాబుకు మాత్రం ధనం అనే వ్యాధి ఉంది" అంటూ మాట్లాడడంతో అందరూ ఆశ్చర్య పోయారు. ఆమె వ్యాఖ్యలపై తెదేపా సభ్యులు అభ్యంతరం వ్యక్తం చేశారు. స్పీకర్ కలుగ చేసుకుని... అసలు విషయంలోకి రావాలంటూ.. సూచించడంతో సభ శాంతించింది.

ఇదీ చదవండి..'వితంతువుల గ్రామం... మచ్చ మాయం చేస్తాం'