సీఎం ప్రజా సంబంధాల సలహాదారుగా సజ్జల

వైకాపా నేతలకు కీలక పదవులు దక్కుతున్నాయి. తాజాగా సీఎం జగన్​కు అత్యంత సన్నిహితుడైన సజ్జల రామకృష్ణారెడ్డికి ముఖ్యమంత్రి ప్రజా సంబంధాల సలహాదారుగా నియమిస్తూ ప్రభుత్వం ఉత్తర్వులు జారీ చేసింది.

వైకాపా కష్టకాలంలో ఉన్నప్పుడు అండగా నిలిచిన వారందరికీ జగన్ తగు ప్రాధాన్యం ఇస్తున్నారు. అందులో భాగంగానే ముఖ్యమంత్రి ప్రజా సంబంధాల సలహాదారుగా సజ్జల రామకృష్ణారెడ్డి నియమితులయ్యారు. ఈ మేరకు ప్రభుత్వం ఉత్తర్వులు జారీ చేసింది. సజ్జలకు కేబినెట్ హోదా కల్పిస్తున్నట్టు ఉత్తర్వుల్లో పేర్కొంది.