నేడు పంచాయతీ కార్యదర్శి ఉద్యోగాలకు స్క్రీనింగ్ టెస్ట్

రాష్ట్రంలో ఇవాళ పంచాయతీ కార్యదర్శి ఉద్యోగాలకు స్క్రీనింగ్ టెస్ట్ జరగనుంది. పరీక్ష నిర్వహణకు ఏపీపీఎస్సీ ఏర్పాట్లు చేసింది.

రాష్ట్రంలోని 13 జిల్లాల్లో పంచాయతీ కార్యదర్శి ఉద్యోగాలకు స్క్రీనింగ్ టెస్ట్ నిర్వహించడానికి... 1320 పరీక్షా కేంద్రాలు ఏర్పాటు చేసినట్లు ఏపీపీఎస్సీ కార్యదర్శి ఎ.కె.మౌర్య తెలిపారు. ఈ పరీక్షలకు 4 లక్షల 95 వేల 526 మంది అభ్యర్థులు హాజరవుతున్నారన్న ఎ.కె.మౌర్య... ఉదయం 9 నుంచి అరగంటపాటు పరీక్షా కేంద్రాల్లోకి అనుమతిస్తామని చెప్పారు. అభ్యర్థి హాల్ టికెట్‌తో పాటు ప్రభుత్వం గుర్తింపు కార్డు తెచ్చుకోవాలని సూచించారు. ఎలక్ట్రానిక్ వస్తువులు, చరవాణులు పరీక్షా కేంద్రాల్లోకి అనుమతించబోమని స్పష్టం చేశారు.