'కాగ్ నివేదిక తప్పు'

రఫేల్​ పై కాగ్ ఇచ్చిన నివేదికలో లోసుగులున్నాయని ఎంపీ కనకమేడల అన్నారు. ప్రధాన అంశాలు దాచి నివేదిక ఇచ్చారన్నారు. కాగ్​ నివేదికను తప్పుదోవ పట్టించడంలో విజయసాయిరెడ్డి హస్తముందని ఆరోపించారు

రఫేల్​ అంశంలో కాగ్​ నివేదిక తప్పుదోవ పట్టించిందని ఎంపీ కనకమేడల రవీంద్ర కుమార్ ఆరోపించారు. ఏ అంశానికి ఎంత అనే స్పష్టత నివేదికలో ఇవ్వలేదన్నారు. కీలకాంశాలు తొలగించి కాగ్ నివేదిక ఇచ్చారన్నారు. పీఎంవో ఆడిట్​ చేసిన కాగ్​ నివేదికలోనూ లొసుగులున్నాయన్నారు. అసలు విషయాన్ని దాచి మసిపూసి మారేడుకాయ చేస్తున్నారని కనకమేడల విమర్శించారు.
రఫేల్​ విషయంలో కేంద్రాన్ని వైకాపా వెనకేసుకొస్తోందని కనకమేడల దుయ్యబట్టారు. కాగ్​ నివేదిక తప్పుదోవ పట్టించడంలో విజయసాయిరెడ్డి హస్తముందని ఆరోపించారు. లక్ష కోట్ల జగన్​ అవినీతిని 43 వేల కోట్లకు తగ్గించిన ఘనత విజయసాయిరెడ్డిదన్నారు.
రాష్ట్రంలో చంద్రబాబుకు ప్రత్యామ్నాయం లేదని ప్రజలు భావిస్తున్నారని కనకమేడల అన్నారు. అన్ని వర్గాల ప్రజలు చంద్రబాబు నాయకత్వాన్నే కోరుతున్నారన్నారు.