'ఒంటి పూట బడులు మరో వారం పొడిగింపు'

ఎండల దృష్ట్యా ఒంటి పూట బడులను ఈ నెల 22వరకూ పొడిగించారు. 24 నుంచి యథావిధిగా నడవనున్నట్లు విద్యాశాఖ తెలిపింది

రాష్ట్రంలో ఎండ తీవ్రత, అధిక ఉష్ణోగ్రతలు, వేడి గాలుల దృష్ట్యా ఈ నెల 22 వరకు ఒంటిపూట బడులు నిర్వహించాలని ప్రభుత్వం ఆదేశాలు జారీ చేసింది. ఉష్ణోగ్రతలు ఎక్కువగా ఉండడంతో ఈ నెల 17 వరకు ఒంటిపూట బడులు నిర్వహించాలని ముందుగా నిర్ణయించారు. వాతావరణ శాఖ మరికొన్ని రోజులు ఉష్ణోగ్రతలు ఇదే స్థాయిలో ఉంటాయని చెప్పడంతో ఒంటి పూట బడులు మరో వారం రోజుల పాటు పొడిగించారు. ఈ మేరకు అన్ని యాజమాన్యాలు కచ్చితంగా ప్రభుత్వ ఆదేశాలను పాటించాలని జిల్లా విద్యాధికారులకు పాఠశాల విద్యా శాఖ నుంచి ఉత్తర్వులు అందాయి. ఈనెల 24నుంచి యథావిధిగా పూర్తి స్థాయిలో బడులు నడవనున్నాయి.