ఆంధ్రప్రదేశ్లో కేంద్రీయ విశ్వవిద్యాలయం, గిరిజన విశ్వవిద్యాలయం నెలకొల్పాలనే బిల్లుకు లోక్సభ ఆమోదం తెలిపింది. కేంద్రీయ విశ్వవిద్యాలయానికి 450 కోట్లు, గిరిజన విశ్వవిద్యాలయానికి 420 కోట్లు కేటాయించినట్లు మానవ వనరుల శాఖ మంత్రి రమేశ్ పోక్రియాల్ నిషాంక్ తెలిపారు. ప్రస్తుతం ఈ రెండు విశ్వవిద్యాలయాలు అనంతపురం, విజయనగరంలో తాత్కాలికంగా కార్యకలాపాలు నిర్వహిస్తున్నట్లు తెలిపారు.
ఆంధ్రప్రదేశ్ కు రెండు విశ్వవిద్యాలయాలు, ఏడు సంస్థలు కేటాయించినట్లు వెల్లడించారు. ఆంధ్రప్రదేశ్ పనర్విభజన చట్టం ప్రకారం ఈ రెండు విశ్వవిద్యాలయాలు రాష్ట్రానికి కేటాయించారు. బిల్లులో విశ్వవిద్యాలయాలకు నిధుల కేటాయింపుల విషయాల్లో పూర్తిగా సమాచారం ఇవ్వలేదని కాంగ్రెస్ నేత కె. సురేశ్ ప్రశ్నించారు. విశ్వవిద్యాలయాల పరిపాలన, పాఠ్యాంశాల సమాచారం ఇవ్వలేదని అడిగారు. గిరిజన విశ్వవిద్యాలయంలో గిరిజన విద్యార్థులకు రిజర్వేషన్ కల్పిస్తారా లేదా అని ప్రశ్నించారు. గిరిజన విశ్వవిద్యాలయం దేశ నలుమూలల్లో ఉన్న విద్యార్థులను, ఉపాధ్యాయులను ఆకర్షించాలని వైకాపా సభ్యుడు లావు శ్రీ కృష్ణ అన్నారు.