న్యాయం చేయాలంటూ ప్రియుడి ఇంటి ఎదుట యువతి ఆందోళన

ప్రేమిస్తున్నానని, పెద్దల అంగీకారంతో పెళ్లి చేసుకుందామని నమ్మించి... మరో యువతితో పెళ్లికి సిద్ధమవుతున్న యువకుడి ఇంటి ఎదుట ఓ యువతి ఆందోళనకు దిగింది. ఈ ఘటన అనంతపురం జిల్లా కదిరిలో జరిగింది.

అనంతపురం జిల్లా కదిరికి చెందిన మోహన్.. .హైదరాబాద్​లోని ఓ కంపెనీలో ఉద్యోగం చేస్తున్నాడు. అదే కంపెనీలో పనిచేస్తోన్న విజయవాడకు చెందిన ఓ యువతి ప్రేమించుకున్నారు. ఈ క్రమంలో వారిద్దరు శారీరకంగా ఒక్కటయ్యారు. అనంతరం పెద్దలను ఒప్పించి, పెళ్లి చేసుకుందామని నమ్మించి మోసం చేశాడని బాధితురాలు వాపోయింది. మోహన్ తల్లిదండ్రులు తమ పెళ్లిని అంగీకరించలేదని, ఆగస్టు నుంచి మోహన్​తో తనను మాట్లాడనీయలేదని ఆవేదన వ్యక్తం చేసింది. తనకు న్యాయం చేయాలంటూ మోహన్ ఇంటి ఎదుట ఆందోళనకు దిగింది. తనను పెళ్లి చేసుకునేంతవరకు నిరసన విరమించేది లేదని స్పష్టం చేసింది.

ఇదీచదవండి.