నర్సరీలో దొంగతనం... 60వేల మిరప మొక్కల చోరీ

పెనుకొండ సమీపంలోని ఓ నర్సరీలో దొంగతనం జరిగింది. 60వేల మిరప మొక్కలను ఎత్తుకెళ్లారు.

అనంతపురం జిల్లా పెనుకొండ సమీపంలోని రాజేశ్వరీకాలనీలోని ఓ నర్సరీలో చోరీ జరిగింది. 60 వేల మిరప మొక్కలను చోరీ చేశారు. స్థానిక సాయి శ్రీనివాస్ వెజిటబుల్ నర్సరీలోని ఈ ఘటన చోటు చేసుకుంది. ఒక మొక్క 60పైసలకు విక్రయిస్తామని.. 60వేల మొక్కలకు రూ.36వేలు నష్టం వాటిల్లిందని నర్సరీ యజమాని ప్రసన్నకుమార్ రెడ్డి తెలిపారు. గతంలోనూ ఓసారి టమోట మొక్కలు దొంగలించారని తెలిపారు. నర్సరీలో దొంగతనం జరిగినట్లు ఇవాళ ఉదయం గుర్తించి పెనుకొండ పోలీసులకు ఫిర్యాదు చేశామని బాధితుడు వివరించారు.