అనంతపురానికి చెందిన సాయి ప్రసాద్ అనే బీటెక్ విద్యార్థి.. బ్లాక్ ఫంగస్ తో మృతి చెందినట్లు బంధువులు తెలిపారు. సాయి ప్రసాద్ కు ఈనెల 13న కరోనా పాజిటివ్ అని ఫలితం వచ్చింది. అనంతపురంలోని ఓ సూపర్ స్పెషాలిటీ ఆస్పత్రిలో చేరాడు. పరిస్థితి విషమించి బ్లాక్ ఫంగస్ సోకింది. మెరుగైన వైద్యం కోసం బంధువులు.. వారం రోజుల క్రితం అతడిని తిరుపతి స్విమ్స్ కు తరలించారు.
స్విమ్స్ లో చికిత్స పొందుతూ.. విద్యార్థి శుక్రవారం అర్ధరాత్రి మృతిచెందినట్లు బంధువులు తెలిపారు. మృతదేహాన్ని కొడిమి గ్రామానికి తరలించి శనివారం అంతక్రియలు నిర్వహించారు. విద్యార్థి మృతితో కుటుంబ సభ్యులు శోకసంద్రంలో మునిగిపోయారు.