స్నేహితుల చేతిలో.. ఆర్టీసీ బస్సు డ్రైవర్​​ హతం

ధర్మవరం శివార్లలో నాగేంద్ర అనే ఆర్టీసీ బస్సు డ్రైవర్​ను అతని స్నేహితులు హతమార్చినట్లు పోలీసులు తెలిపారు. మద్యం మత్తులో జరిగన గొవడలో జరిగన ఘటనగా భావిస్తున్నారు. నాగేంద్ర స్నేహితుల కోసం పోలీసులు గాలింపు చర్యలు చేపట్టారు.

అనంతపురం జిల్లా ధర్మవరం పట్టణ శివార్లలోని మేడాపురం గేటు వద్ద నాగేంద్ర (30) అనే వ్యక్తి సోమవారం రాత్రి దారుణ హత్యకు గురయ్యాడు. ఆర్టీసీ బస్సు డ్రైవర్​గా పని చేసిన నాగేంద్ర... మెదక్ నుంచి పని నిమిత్తం ధర్మవరం వచ్చి తిరిగి గ్రామానికి వెళ్తుండగా స్నేహితులు తారసపడ్డారు.

మద్యం కొనుగోలు చేసిన వారు రైల్వే గేటు వద్ద ఉన్న గుట్టలో తాగేందుకు వెళ్లారు. అక్కడ నాగేంద్రతో గొడవ పడ్డట్టుగా తెలుసుతోంది. ఈ క్రమంలోనే.. అతని స్నేహితులు బండరాళ్లతో దాడి చేసి హతమార్చారని ధర్మవరం పోలీసులు పేర్కొన్నారు. కేసు నమోదు చేసుకున్న పోలీసులు నాగేంద్ర స్నేహితుల కోసం గాలిస్తున్నారు.

ఇదీ చదవండి: