సోము వీర్రాజు
భారతీయ జనతా పార్టీ రాష్ట్ర అధ్యక్షులు సోము వీర్రాజు రాయలసీమలో పర్యటిస్తున్నారు. ఈ పర్యటనలో భాగంగా అనంతపురం జిల్లా హిందూపురానికి వచ్చారు. హిందూపురంలో మీడియా సమావేశంలో మాట్లాడుతూ... కేంద్రం ఇచ్చే నిధులతో జగన్ ప్రభుత్వం తన సొంత ప్రచారం చేసుకుంటుందని ఆరోపించారు. తెలుగు గంగ ప్రాజెక్టును ఎందుకు నిర్లక్ష్యం చేస్తున్నారని ప్రశ్నించారు. రాయలసీమకు నికర జలాలు ఇవ్వాల్సిందేనని ఆయన స్పష్టం చేశారు. 2024లో జరగబోయే ఎన్నికల్లో భాజపా ప్రధాన అజెండా ఇదేనని పేర్కొన్నారు.