అనంతపురం జిల్లా మడకశిర మండలం గంగులవాయిపాళ్యం గ్రామంలోని తన పొలాన్ని చూడడానికి కుటుంబసభ్యులతో కలిసి మాజీ పీసీసీ అధ్యక్షుడు, కాంగ్రెస్ సీనియర్ నేత రఘువీరారెడ్డి వెళ్లారు. పొలం పక్కనే ఉపాధి హామీ పనుల్లో కూలీలు గుంతలు తవ్వి మట్టిని మోస్తున్నారు.
ఉపాధి పనుల్లో రఘువీరా కుటుంబం పాలుపంచుకుంది. రఘువీరారెడ్డి పారతో మట్టి తవ్వగా.. ఆయన కుటుంబ సభ్యులు మట్టి మోశారు. కూలీల్లో ఉత్సాహం నింపేందుకు రఘువీరారెడ్డి ఈలలు వేశారు.