మహిళ మృతి... వైద్యుల నిర్లక్ష్యమే కారణమని బంధువుల ఆందోళన

పురుగుల మందు తాగి ఆత్మహత్యాయత్నానికి పాల్పడిన మహిళ మృతి చెందింది. కాగా.. వైద్య సిబ్బంది నిర్లక్ష్యమే కారణమని మృతురాలి బంధువులు ఆందోళనకు దిగారు.

అనంతపురం జిల్లా కుందుర్పి మండలం మలయనూరు గ్రామానికి చెందిన ఈరక్క... భూవివాదంలో మనస్తాపానికి గురై పురుగుల మందు తాగి ఆత్మహత్యాయత్నానికి పాల్పడింది. గమనించిన బంధువులు కళ్యాణదుర్గంలోని ప్రభుత్వ ఆసుపత్రికి తీసుకెళ్లారు. పరిస్థితి విషమించడంతో అనంతపురానికి తీసుకెళ్లాలని వైద్యులు సూచించారు. కాగా... ఆసుపత్రికి వచ్చిన వెంటనే చికిత్స చేసుంటే ఆమె బ్రతికేదని మృతురాలి బంధువులు ఆగ్రహం వ్యక్తం చేశారు. పోలీసులు జోక్యం చేసుకొని మృతురాలి బంధువులను శాంతింపజేశారు.

ఇదీ చదవండి...