Double Murder case: జంట హత్యల కేసు ఛేదన.. 15 మంది అరెస్ట్

అనంతపురం జిల్లా యల్లనూరు మండలం అచ్యుతాపురం గ్రామంలో ఈ నెల 19న జరిగిన జంట హత్యల కేసు( dual murder case)లో 15 మంది నిందితులను పోలీసులు అరెస్టు చేశారు. భూ వివాదాలే ఈ హత్యలకు కారణమని తాడిపత్రి(thadipathri) డీఎస్పీ వి.ఎన్​.కె. చైతన్య తెలిపారు.

అనంతపురం జిల్లా యల్లనూరు మండలం ఆరవేడు గ్రామానికి చెందిన జిట్టా రాజగోపాల్, జిట్టా నారాయణప్పలు సోదరులు. వీరు ఈ నెల 19న భూ సమస్యపై యల్లనూరు పోలీసు స్టేషన్ కి వెళ్లి ఫిర్యాదు చేసి స్వగ్రామానికి ద్విచక్ర వాహనంపై వస్తున్నారు. ఈ క్రమంలో అదే గ్రామానికి చెందిన రెడ్డిపల్లి మహాదేవా మరికొందరితో కలిసి కారుతో ద్విచక్ర వాహనాన్ని ఢీ కొట్టించి, బండరాళ్లు, కత్తులతో రాజగోపాల్, నారాయణప్పలను హత్య(murder) చేయించారు.

ఈ ఘటనపై బాధితుల ఫిర్యాదు మేరకు 8 మందిపై కేసు నమోదు చేసి పోలీసులు విచారణ చేపట్టారు. విచారణలో భాగంగా ఎనిమిది మందితో పాటు మరో ఎనిమిది మంది కిరాయి హంతకులూ ఉన్నట్లు తేలడంతో మొత్తం 15 మందిని అరెస్టు(arrest) చేశారు. ఒకరు పరారీలో ఉన్నట్లు తాడిపత్రి డీఎస్పీ వీఎన్​కే చైతన్య తెలిపారు. నిందితులతో పాటు హత్యకు ఉపయోగించిన కారు, మూడు ద్విచక్ర వాహనాలు, కొడవళ్లు, బండరాళ్లు, 12 చారవాణులు, రూ.8,780 నగదును స్వాధీనం చేసుకున్నారు. నిందితులను రిమాండ్​(remand) కు తరలించారు.

ఇదీచదవండి.