అనంతపురం జిల్లా మడకశిర నియోజకవర్గంతో పాటు జిల్లాలోని ఐదు నియోజకవర్గాల్లో శ్రీ రామిరెడ్డి తాగునీటి పథకం ద్వారా తొమ్మిది వందల గ్రామాలకు తాగునీరు అందుతోంది. ఈ ప్రాజెక్టులో పనిచేస్తున్న కార్మికులు ఐదు రోజుల నుంచి సమ్మెకు వెళ్లటంతో మడకశిర నియోజకవర్గంలోని చాలా గ్రామాల్లో తాగునీటి ఎద్దడి ఏర్పడింది.
కార్మికుల సమస్యలు పరిష్కరించి గ్రామాల్లో నీటిని అందించాలని గ్రామాల్లోని ప్రజలు కోరుతున్నారు. శ్రీ రామిరెడ్డి తాగునీటి పథకం ప్రాజెక్టులో 700 మంది కార్మికులకు మూడు నెలల బకాయిలు చెల్లించి, పిఎఫ్ ద్వారా రావాల్సిన డబ్బులు తమకు అందించేవరకు సమ్మెను కొనసాగిస్తూ దశలవారీగా ఉద్ధృతం చేస్తామని కార్మికులు తెలిపారు.