ఆకస్మికంగా ముగిసిన సీఎం దిల్లీ పర్యటన

సీఎం దిల్లీ పర్యటన ఆకస్మికంగా ముగిసింది. వ్యక్తిగత సహాయకుడు నారాయణ మృతి చెందిన కారణంగా హుటాహుటిన అనంతపురం చేరుకున్నారు.

ముఖ్యమంత్రి జగన్​మోహన్ రెడ్డి దిల్లీ పర్యటన ఆకస్మికంగా ముగిసింది. గురువారం రాత్రి 10.30 గంటల సమయంలో కేంద్ర హోంమంత్రి అమిత్​షాతో భేటీ అవుతారని సమాచారం బయటకు వచ్చినా... ఆ సమావేశం జరగలేదు. రాత్రికి జగన్ దిల్లీలోనే బస చేశారు. శుక్రవారం ఉదయం హోంమంత్రి అపాయింట్​మెంట్ ఉంటుందని పార్టీ వర్గాలు తెలిపాయి. ఈ లోపే ముఖ్యమంత్రి సహాయకుడు నారాయణ మృతి చెందిన సమాచారాన్ని జగన్​కు అధికారులు తెలిపారు. పర్యటనను అర్థంతరంగా ముగించుకుని నారాయణ స్వగ్రామమైన అనంతపురం జిల్లా ముదిగబ్బు మండలం దిగువపల్లెకు జగన్ వెళ్లారు. నివాళి అర్పించారు. జగన్ సతీమణి భారతి బాధిత కుటుంబాన్ని పరామర్శించారు.

ఇదీ చూడండి