తాగునీరు కావాలంటే రైలు పట్టాలు దాటాల్సిందే.
కరువు జిల్లా అనంతపురంపై వరణుడు కరుణించిన,అధికార్లకు కరుణ రావడం లేదు.అనంతపురం జిల్లా పెనుకొండ మండలంలోని కోనాపురం గ్రామ పంచాయతీ పరిధిలోని కొండాపురం బీసీకాలనీలో కొన్ని రోజులుగా తాగునీటి సరఫరా లేక ప్రజలు తీవ్ర ఇబ్బందులు పడుతున్నారు.కాలనీలో ఉన్న ఒక్క బోరుబావి మరమత్తులకు గురవటంతో...ప్రతిరోజూ రైలుపట్టాలు దాటి కొండాపురం గ్రామం నుంచి తాగునీటిని తెచ్చుకోవాల్సిన దుస్థితి ఏర్పడిందని ప్రజలు ఆవేదన వ్యక్తం చేస్తున్నారు.ఇప్పటికైనా సంబంధిత అధికారులు స్పందించి తాగునీటి సమస్య పరిష్కరించాలని గ్రామస్థులు కోరుతున్నారు.