Retired Employee cracks gate: ఉన్నత చదువులకు వయసు అడ్డుకాదు. ఉద్యోగం చేస్తూ కూడా చదివేవారు ఎందరో ఉన్నారు. కానీ, ఉద్యోగ విరమణ చేసిన తరువాత కూడా ఉన్నత చదువులు అభ్యసించేవారు మాత్రం అరుదు. అనంతపురం నగరానికి చెందిన వి.సత్యనారాయణరెడ్డి ఇంజినీరుగా ఉద్యోగ విరమణ చేసిన తరువాత జేఎన్‌టీయూలో ఎంటెక్‌ చేశారు. గేట్ పరీక్షలో జాతీయస్థాయిలో 140వ ర్యాంకు సాధించి ఔరా అనిపించుకున్నారు.
పంచాయతీరాజ్‌ శాఖలో ఇంజినీరుగా 39 ఏళ్లు పనిచేశారు. డీఈఈగా 2018లో ఉద్యోగ విరమణ చేశారు. 2019లో జేఎన్‌టీయూ సివిల్‌ విభాగంలో ఎంటెక్‌లో చేరి 2022లో పూర్తి చేశారు. 2022 గేట్ పరీక్షలోని జియోమోటిక్స్‌ ఇంజినీరింగ్‌ పేపరులో 140వ ర్యాంకు సాధించారు. ఆయన వయసు ప్రస్తుతం 64 సంవత్సరాలు. ఆయనకు ఇద్దరు కుమారులు. మనవళ్లు, మనవరాళ్లు ఉన్నారు.