కరోనా వైరస్ వ్యాప్తి మళ్లీ ఉంటుందని నిపుణులు హెచ్చరికలు జారీ చేస్తున్నందున ప్రతి ఒక్కరూ తగిన జాగ్రత్తలు తీసుకోవాలని జేసీ సిరి చెప్పారు. అనంతపురంలో నిర్వహించిన మీడియా సమావేశంలో సంయుక్త కలెక్టర్ మాట్లాడారు. యాభై రోజుల పాటు వైరస్పై అవగాహన కల్పిస్తున్నామన్నారు. ఈ కార్యక్రమం జనవరి 19 వరకు కొనసాగుతుందని చెప్పారు.
రేషన్ దుకాణాలు, సూపర్ మార్కెట్లు, కూరగాయల మార్కెట్లలో మాస్క్ లేకుండా ప్రవేశం ఉండదని.. ప్రజలు సహకరించాలని కోరారు. ప్రతి ఒక్కరూ అప్రమత్తంగా ఉండాలని హెచ్చరించారు. ఇప్పటికే మాస్క్లు పెట్టుకోవటంపై మహిళా సంఘాలు, అంగన్ వాడీ కేంద్రాల్లో అవగాహన కార్యక్రమాలు నిర్వహించామని తెలిపారు.