అర్ధరాత్రి మద్యం మత్తులో ఓ వ్యక్తి హల్ చల్

అనంతపురం జిల్లాలో అర్ధరాత్రి వేళ మద్యం మత్తులో ఓ వ్యక్తి రోడ్డుపై హల్​చల్ చేశారు. కృపనదనగర్​కి తీసుకెళ్లాలని ఆటో డ్రైవర్​ని బెదిరించాడు. దీంతో డ్రైవర్ నిరాకరించటంతో వాదనకు దిగాడు.

అర్ధరాత్రి వేళ ఓ వ్యక్తి రోడ్డుపై హల్​చల్ చేశాడు. అనంతపురం నగరంలో సప్తగిరి సర్కిల్ నుంచి సూర్య నగర్​ రోడ్డు సమీపంలో ముస్తాన్ అనే వ్యక్తి మద్యం మత్తులో ఆటో యువకుడితో వాదనకు దిగాడు. కృపనదనగర్​కి తీసుకెళ్లాలని ఆటో డ్రైవర్​ని బెదిరించాడు. దీంతో డ్రైవర్ నిరాకరించటంతో వాదనకు దిగాడు.

చుట్టుపక్కల ఉన్న డ్రైవర్లు రావటంతో మందు బాబు మరింతగా రెచ్చిపోయాడు. రోడ్డు పక్కన టెంకాయలు అమ్ముతున్న బండిపై నుంచి వేట కొడవలిని తీసుకుని ఆటోడ్రైవర్ మీదకు వెళ్లాడు. దీంతో అక్కడ వారంతా భయాందోళనకు గురయ్యారు. వెంటనే పోలీసులకు సమాచారం ఇవ్వటంతో.. పోలీసులు సంఘటన స్థలానికి చేరుకున్నారు. ఆటో డ్రైవర్ ఫిర్యాదు మేరకు.. మందు బాబుని రెండో పట్టణ పోలీస్ స్టేషన్​కు తరలించారు.

ఇదీ చదవండి: తెదేపా నేత పట్టాభిపై దాడి కేసు.. దొరకని నిందితుల ఆచూకీ