తెలంగాణంలోని వికారాబాద్ జిల్లా మర్పల్లి మండలం కల్కొడ వద్ద ఆర్టీసీ బస్సు ప్రమాదాని(rtc bus accident)కి గురైంది. సంగారెడ్డి నుంచి తాండూర్ వైపు వెళ్తున్న బస్సు.. కల్కొడ చౌరస్తా వద్ద ఒక్కసారిగా బోల్తా (RTC bus rolled over) పడింది. ఈ ఘటనలో 20 మంది ప్రయాణికులకు గాయాలయ్యాయి. క్షతగాత్రులను మర్పల్లి ఆస్పత్రికి తరలించారు. వారిలో ముగ్గురి పరిస్థితి విషమంగా ఉందని స్థానికులు తెలిపారు.
అతి వేగమే కారణం..!
ఈ ప్రమాదానికి అతి వేగమే(over speed of bus) కారణమని ప్రయాణికులు చెబుతున్నారు. కల్కొడ గ్రామం సమీపంలో రహదారి ఎత్తుపల్లాలను డ్రైవర్ అంచనా వేయలేకపోయాడు. అప్పటికే వేగంలో ఉన్న బస్సును కంట్రోల్ తప్పింది. ఈ క్రమంలోనే బస్సు ఒక్కసారిగా రోడ్డు పక్కకు బోల్తా(rtc bus overturned in vikarabad district) పడింది. ఒక్కసారిగా జరిగిన ఈ ప్రమాదంలో.. ప్రయాణికులంతా భయాందోళనకు గురయ్యారు. ఆ ప్రాంతమంతా.. ప్రయాణికుల ఆర్తనాదాలతో మారుమోగింది.
ఇదీ చూడండి:
Road accident in Nalgonda: రోడ్డు ప్రమాదంలో ముగ్గురు మృతి.. 8 మందికి గాయాలు