బుక్​ చేసింది ఆక్సీమీటర్​.. మరి ఇంటికి వచ్చింది?

ప్రస్తుతం కరోనా వల్ల బయటికి వెళ్లి ఏదైనా కోనుగోలు చేద్దామన్నా భయమే. అందువల్ల ఆన్​లైన్​లో పల్స్​ ఆక్సీమీటర్​ బుక్​ చేసుకున్నారు ​హైదరాబాద్ మియాపూర్​కు చెందిన ఓ వ్యక్తి. తనకి గురువారం నాడు పార్శిల్ అందింది. అంతా బానే ఉంది కానీ పార్శిల్​ విప్పి చూసి కంగుతిన్నారు.

ప్రస్తుత కరోనా పరిస్థితుల్లో ఇంట్లోనే ఉండి ఆక్సిజన్, పల్స్ స్థాయిని చెక్ చేసుకునేందుకు హైదరాబాద్ మియాపూర్​కు చెందిన ఓ వ్యక్తి ఆక్సీమీటర్​ను బుక్ చేసుకున్నాడు. తీరా డెలివరీ వచ్చాక చూస్తే అందులో రాయి కనిపించడంతో అవాక్కయ్యాడు.

మియాపూర్​లో నివాసముండే శశిధర్ శాస్త్రి ఈ నెల 7న అమెజాన్​లో ఆక్సీమీటర్ బుక్ చేశారు. దానికయ్యే ఖర్చును, పార్శిల్ డెలివరీ ఛార్జీలను ఆన్​లైన్​లోనే చెల్లించారు. గురువారం పార్శిల్ అందింది. తెరిచి చూస్తే అందులో రాయి ఉండడంతో అతను ఆశ్చర్యానికి లోనయ్యారు.

ఇంత పెద్ద సంస్థ నుంచి పార్శిల్​లో రాయి రావడం బాధ కలిగించిందని శశిధర్ అన్నారు. ప్రజల ఆదరాభిమానాలు పొందిన సంస్థలో ఎక్కడ లోపం జరిగిందో సరి చూసుకొని.. ఇలాంటి సంఘటనలు పునరావృతం కాకుండా జాగ్రత్తలు తీసుకోవాలని మీడియా ద్వారా సంస్థను కోరారు.

ఇదీ చూడండి: