విశాఖ సృష్టి ఆస్పత్రి కేసు.. 14 మంది అరెస్టు
విశాఖ సృష్టి ఆస్పత్రి కేసులో పురోగతి కనిపిస్తోంది. సృష్టి ఆస్పత్రికి చెందిన ఆరుగురిని పోలీసులు అరెస్టు చేశారు. ఈ కేసులో మొత్తం 14 మందిని అరెస్టు చేసి పోలీసులు ప్రశ్నిస్తున్నారు. బాధితురాలు ఇచ్చిన ఫిర్యాదుతో మరింత లోతుగా దర్యాప్తు చేశామని డీసీపీ ఐశ్వర్య రస్తోగి వివరించారు. సరోగసీకి వచ్చిన దంపతులకు వేరొకరి శిశువులను విక్రయించారని డీసీపీ చెప్పారు. ఈ కేసులో చాలామంది దంపతులు మోసపోయినట్లు తెలుస్తోందన్న ఐశ్వర్య రస్తోగి... ఇలాంటివి జరగకుండా వైద్యశాఖకు లేఖ రాశామని వివరించారు. కోర్టు అనుమతితో ఆడశిశువుకు డీఎన్‌ఏ పరీక్షలు చేయిస్తామని డీసీపీ ఐశ్వర్య రస్తోగి వెల్లడించారు.