ప్రతికూల వాతావరణం... పలు విమానాలు రద్దు

అకాల వర్షం విమాన ప్రయాణీకులనూ ఇబ్బందులు పెట్టింది. వాన కారణంగా విశాఖకు రావాల్సిన విమానాలు వెనుదిరిగాయి. ఇక్కడి నుంచి వెళ్లాల్సిన విమానాలు... ప్రతికూల వాతావరణంతో రద్దయ్యాయి.

ప్రతికూల వాతావరణంతో విశాఖకు రావాల్సిన రెండు విమానాలు దారి మళ్లించారు. చెన్నై-విశాఖ విమానం భువనేశ్వర్‌లో ల్యాండ్​ అయ్యింది. హైదరాబాద్‌-విశాఖ ఇండిగో విమానం వర్షం కారణంగా వెనుదిరిగింది. వాతావరణం అనుకూలించక తిరిగి హైదరాబాద్‌ పంపించారు. ఈ విమానంలో విశాఖ ఎంపీ హరిబాబుతో పాటు పలువురు వ్యాపారవేత్తలు ఉన్నారు.

ప్రతికూల వాతావరణం కారణంగా... విశాఖ నుంచి బయలుదేరాల్సిన 4 విమానాలు రద్దు చేశారు. విశాఖ నుంచి బెంగళూరు, దుబాయ్ వెళ్లాల్సిన విమానాలు రద్దయ్యాయి. విశాఖ నుంచి హైదరాబాద్, దిల్లీ వెళ్లాల్సిన విమానాలను విమాన సంస్థలు రద్దు చేశాయి. విమానాలు రద్దు కావటంతో ప్రయాణికులు వెనుదిరిగారు.