పోలీసు క్రీడలకు ఆంధ్రా ఆతిథ్యం

ఆలిండియా పోలీస్ ఆక్వాటిక్, క్రాస్ కంట్రీ ఛాంపియన్​షిప్ పోటీలకు తొలిసారి ఆంధ్రా వేదికకానుంది. ఈ నెల 5 నుంచి 9 వరకు ఈ పోటీలను విశాఖలో నిర్వహించనున్నారు.

విశాఖ వేదికగా 67వ ఆలిండియా పోలీస్ ఆక్వాటిక్, క్రాస్ కంట్రీ ఛాంపియన్​షిప్ పోటీలు నిర్వహించనున్నారు. ఈ నెల 5 నుంచి 9 వరకు జరుగనున్న టోర్నీలో స్విమ్మింగ్, వాటర్ పోలో, క్రాస్ కంట్రీ 10కె రన్ వంటి క్రీడలు ఉంటాయని నగర శాంతి భద్రతల డీసీపీ రవీంద్రనాథ్ బాబు వెల్లడించారు. ఇందులో వివిధ దళాలకు చెందిన 30 జట్లు, వేయి మంది క్రీడాకారులు పాల్గొననున్నట్లు తెలిపారు. ఈ ఛాంపియన్​షిప్​కి సంబంధించిన లోగో, వెబ్​సైట్​ను నగర పోలీసు కమిషనర్ కార్యాలయంలో అధికారులు ఆవిష్కరించారు.