స్వదేశానికి బయల్దేరిన ఎల్జీ పాలిమర్స్ దక్షిణ కొరియా బృందం

హైకోర్టు ఆదేశాలతో ఎల్జీ పాలిమర్స్​కు సంబంధించిన దక్షిణ కొరియా బృందం స్వదేశానికి బయలుదేరింది. గ్యాస్ లీకేజీ ఘటనపై కారణాలు తెలుసుకునేందుకు విశాఖకు రాగా వారిని తిరిగి వెళ్లవద్దంటూ జిల్లా కోర్టు ఉత్తర్వులిచ్చింది. స్వ దేశానికి వెళ్లేందుకు అనుమతివ్వాలంటూ హైకోర్టును ఆశ్రయించారు.

విశాఖపట్నం ఎల్జీ పాలిమర్స్​లో మే 7న విషవాయువు లీక్ అవటంతో పెద్ద ప్రమాదం చోటు చేసుకుంది. ఘటనపై ఆరా తీసేందుకు ఎల్జీ పాలిమర్స్ 8 మంది సభ్యులతో కూడిన బృందం మే నెల 13న సౌత్ కొరియా నుంచి వచ్చారు. ప్రమాదంపై కేసు నమోదవ్వటంతో బృందాన్ని నగరం విడిచి వెళ్లకూడదని విశాఖ జిల్లా కోర్టు ఉత్తర్వులిచ్చింది. ఈ నేపథ్యంలో కొరియా బృందం హైకోర్టును ఆశ్రయించింది. తాజాగా స్వదేశానికి వెళ్లేందుకు హైకోర్టు అనుమతిచ్చింది. ఈ నేపథ్యంలో స్వదేశానికి వెళ్లేందుకు విశాఖ విమానాశ్రయానికి చేరుకుని... అక్కడి నుంచి ప్రత్యేక విమానంలో దక్షిణ కొరియా బయలుదేరారు.

ఇవీ చూడండి-విశాఖ గ్యాస్ లీక్: నివేదిక సమర్పణకు కమిటీకి జూన్ 30 వరకు గడువు