ఆ ఊరిలో కుక్కలున్నాయి జాగ్రత్త
విశాఖ జిల్లా గాజువాక మండలం మిందిలో ప్రజలను కుక్కలు భయపెడుతున్నాయి. 65వ వార్డువాసులు బయట తిరగాలంటేనే భయాందోళనకు గురవుతున్నారు. తాజాగా కుక్కల దాడిలో 9మంది గాయపడ్డారు. ఏ అవసరం ఉన్నా ఒంటరిగా బయటకు వెళ్లాలంటే ప్రజలు భయపడాల్సిన పరిస్థితి ఏర్పడింది. తప్పనిసరి పరిస్థితుల్లో వెళ్తే.. కుక్కకాటుకు గురికావాల్సి వస్తుందని స్థానికులు ఆవేదన వ్యక్తం చేస్తున్నారు.మున్సిపాలిటి అధికారులు ఇప్పటికైనా స్పందించి కుక్కల బారి నుంచి కాపాడాలని కోరుతున్నారు.