అభిమానం అదిరింది... తలపై వరల్డ్​కప్!

నేడు న్యూజిలాండ్​తో జరగనున్న క్రికెట్​ మ్యాచ్​లో భారత జట్టు గెలవాలని ఆకాంక్షిస్తూ విశాఖపట్నంలో ఓ అభిమాని వరల్డ్​ కప్​ ఆకారంలో తన జుట్టును కత్తిరించుకున్నాడు.

'జీతేగా యా జీతేగా...ఇండియా జీతేగా' అంటూ ప్రపంచ కప్​లో ఇండియానే​ గెలవాలని సగటు అభిమాని ఆకాంక్ష. ప్రత్యర్థి జట్టు న్యూజిలాండ్​ను ఓడించి ఫైనల్​లో ప్రవేశించాలని ఉరకలేస్తున్న టీం ఇండియాకు మద్దతుగా... ఒక్కొక్కరు ఒక్కో రకంగా అభిమానం చాటుకుంటారు. అలాంటి ప్రయత్నమే చేశాడు ఈ వైజాగ్​ చిన్నోడు.

చారిత్రాత్మక విజయానికి రెండడుగుల దూరంలో ఉన్న భారత జట్టుకు శుభాకాంక్షలు తెలుపుతూ తనదైన స్టైల్​లో మద్దతు తెలిపాడు ఓ అభిమాని. నగరానికి చెందిన శ్రీకాంత్​ తన జుట్టును ప్రపంచ కప్​ నమూనాలో అలంకరించుకోవాలని భావించాడు. అదే తడవుగా ఓ హెయిర్​ స్టైయిలర్​ను సంప్రదించాడు. దాదాపు గంట పాటు శ్రమించి ఇదిగో ఇలా సిద్ధం చేశాడు.