పాత గాజువాక జంక్షన్‌లో తెదేపా-వైకాపా నాయకుల ఘర్షణ
విశాఖపట్నం పాత గాజువాక జంక్షన్‌లో తెదేపా, వైకాపా నేతల మధ్య ఘర్షణ చోటు చేసుకుంది. విశా స్టీల్‌ప్లాంట్‌ ప్రైవేటీకరణను వ్యతిరేకిస్తూ.. విశాఖ బంద్కు స్టీల్‌ప్లాంట్‌ పరిరక్షణ పోరాట సమితి పిలుపునిచ్చింది. ప్రైవేటీకరణ నిర్ణయాన్ని వెనక్కి తీసుకోవాలంటూ.. పాత గాజువాక జంక్షన్ లో నిరసన చేపట్టారు. ఈ సందర్భంగా ఎదురుపడిన తెదేపా, వైకాపా శ్రేణులు.. పోటాపోటీ నినాదాలు చేసుకున్నారు. నినాదాలు శృతిమించి ఇరువర్గాల మధ్య తోపులాటకు దారితీసింది. దీంతో పరిస్థితి ఉద్రిక్తంగా మారింది. పోలీసులు కలగజేసుకుని ఇరువర్గాలను చెదరగొట్టారు.