ఆ కుటుంబం పేరు ఎత్తే అర్హత వల్లభనేనికి లేదు: ఎమ్మెల్సీ మంతెన

TDP MLC MANTHENA ON MLA VALLABHANENI : ఎన్టీఆర్​ హెల్త్​ యూనివర్శిటీ పేరు మార్పుపై వల్లభనేని వంశీకి ఆ కుటుంబం పేరు ఎత్తే అర్హత లేదని తెదేపా ఎమ్మెల్సీ మంతెన సత్యనారాయణరాజు స్పష్టం చేశారు. తెదేపాకు వెన్నుపోటు పొడిచి.. నీతి సూక్తులు మాట్లాడడం హాస్యాస్పదమని దుయ్యబట్టారు.

TDP MLC MANTHENA FIRES ON VALLABHANENI: ఎన్టీఆర్ కుటుంబం పేరెత్తే అర్హత వల్లభనేని వంశీకి లేదని తెదేపా ఎమ్మెల్సీ మంతెన సత్యనారాయణరాజు వెల్లడించారు. తెదేపాకు వెన్నుపోటు పొడిచి.. నీతి సూక్తులు మాట్లాడడం హాస్యాస్పదమని దుయ్యబట్టారు. గన్నవరం ఎమ్మెల్యే వల్లభనేని వంశీ గాల్లో దీపంలా మారాడని ఎద్దేవా చేశారు. ఎన్టీఆర్​పై అభిమానం ఉంటే హెల్త్​ యూనివర్సిటీ పేరు మార్పుపై ఎందుకు మౌనంగా ఉన్నాడని ప్రశ్నించారు. పరిటాల రవి పంచన బతికి.. ఆ కుటుంబాన్ని విమర్శించే వంశీని వెన్నుపోటుదారుడు కంటే మరేదైనా పెద్ద పదంతో పిలవాలన్నారు. అమరావతి పాదయాత్రలో పెట్టుబడిదారులున్నారని వంశీ అనటం సిగ్గుచేటని మండిపడ్డారు. విశాఖ గర్జన సభలో ఉన్నది స్వాతంత్య్ర ఉద్యమకారులా అని నిలదీశారు. ఉత్తరాంధ్ర దోపిడీదారులంతా పెయిడ్ గర్జన పేరుతో నాటకాలాడుతున్నారని ఆగ్రహం వ్యక్తం చేశారు.

ఇవీ చదవండి: