ఫ్రాన్స్​లో ''అమరావతి'' విజయం.. లోకేష్ ఆనందం

ఫ్రాన్స్​లో జరిగిన ఎఫ్​ 1 హెచ్​ 2ఓ గ్రాండ్​ ప్రిక్స్​లో అమరావతి జట్టు ప్రథమ స్థానం దక్కింది. మాజీ మంత్రి నారా లోకేష్​ ట్విట్టర్​లో శుభాకాంక్షలు తెలిపారు.

ఫ్రాన్స్​లో జరిగిన యూఐఎమ్​ ఎఫ్​1 హెచ్​ 2 ఓ గ్రాండ్​ ప్రిక్స్​లో... రాష్ట్రానికి చెందిన అమరావతి జట్టు మొదటి స్థానం కైవసం చేసుకుంది. ఈ సందర్భంగా.. మాజీ మంత్రి నారా లోకేష్​ అభినందనలు తెలిపారు. జట్టు విజయానికి సంబంధించిన వీడియోను ట్వీట్​కు జత చేశారు. బహుమతుల ప్రదానంలో జాతీయ జెండా పట్టుకున్న జోనాస్​ అండర్సన్​ను చూస్తే ఉద్వేగం కలిగిందని ట్వీట్​లో పేర్కొన్నారు. జోనాస్​ ప్రస్తుతం అమరావతి జట్టుకు ప్రాతినిథ్యం వహిస్తున్నారు.