వాయుగుండంగా బలపడిన అల్పపీడనం

తూర్పు మ‌ధ్య బంగాళాఖాతంలో కొనసాగుతున్న అల్ప‌ పీడ‌నం వాయుగుండంగా బలపడిందని వాతావరణ శాఖ వెల్లడించింది. ఉత్త‌ర వాయువ్య దిశ‌గా క‌దిలి రేప‌టికి తుపానుగా మారే సూచ‌న‌లు ఉన్నాయ‌ని తెలిపింది.

తూర్పు మధ్య బంగాళాఖాతంలో ఏర్పడిన అల్పపీడనం వాయుగుండంగా మారిందని.. ఉత్తర వాయవ్య దిశగా కదిలి రేపటికి తుపానుగా మారే సూచనలు ఉన్నట్లు అమరావతి వాతావరణ కేంద్రం వెల్లడించింది. ఆ తర్వాత 24 గంటల్లో మరింత బలపడి అతి తీవ్ర తుపానుగానూ, అనంతరం ఉత్తర వాయవ్యంగా కదిలి పెను తుపానుగానూ మారే అవకాశం ఉన్నట్లు అంచనా వేసింది. ఈ నెల 26న ఉదయం ఒడిశా - బంగాల్ తీరాన్ని తాకనున్న తుపాను, ఆ రోజు సాయంత్రం తీరం దాటే అవకాశం ఉంటుందని తెలిపింది. దీని ప్రభావంతో రాష్ట్రంలో మూడ్రోజులపాటు ఉరుములు, మెరుపులతో కూడిన తేలికపాటి నుంచి మోస్తరు వర్షాలు కురుస్తాయని వెల్లడించింది.

ఇదీ చదవండి:'ఆనందయ్యది ఆయుర్వేదం కాదు..నాటు మందు'