గాంధీజీ జీవితంపై.. విద్యార్థులకు రాష్ట్రస్థాయి పోటీలు

జాతిపిత మహాత్మా గాంధీ 150వ జయంతి సందర్భంగా ప్రభుత్వ పాఠశాలల విద్యార్థులకు రాష్ట్రస్థాయి పోటీలు నిర్వహించారు. గాంధీ స్మారక నిధి, పాఠశాల విద్యాశాఖ ఆధ్వర్యంలో జరిగిన ఈ పోటీల్లో 13 జిల్లాల నుంచి 130 మంది విద్యార్థులు పాల్గొన్నారు. పోటీల్లో గెలుపొందిన వారిని  సేవాగ్రం ఆశ్రమానికి సందర్శనకు తీసుకువెళ్లనున్నారు.

జాతిపిత మహాత్మాగాంధీ 150వ జయంతి ఉత్సవాల్లో భాగంగా ఆంధ్రప్రదేశ్ గాంధీ స్మారక నిధి, పాఠశాల విద్యాశాఖ ఆధ్వర్యంలో విద్యార్థులకు రాష్ట్రస్థాయి పోటీలు నిర్వహించారు. విజయవాడ బెంజ్ సర్కిల్ వాసవ్య మహిళా మండలిలో నిర్వహించిన ఈ పోటీల్లో వివిధ ప్రభుత్వ పాఠశాలల విద్యార్థులు పాల్గొన్నారు. జిల్లాస్థాయిలో విజేతలుగా నిలిచిన విద్యార్థులకు వ్యాసరచన, వక్తృత్వం, చిత్రలేఖనం, నినాదాలు, గానం అంశాల్లో పోటీలు నిర్వహించారు. 13 జిల్లాల నుంచి వచ్చిన 130 మంది విద్యార్థులు పోటీల్లో ఉత్సాహంగా పాల్గొన్నారు. మహాత్మాగాంధీ గొప్పతనాన్ని, స్వాతంత్రోద్యమంలో ఆయన పోరాటాన్ని, స్వచ్ఛత పట్ల చూపించిన ప్రత్యేక శ్రద్ధ.. ఇలాంటి వివిధ అంశాలపై పోటీ నిర్వహించారు. జిల్లాస్థాయిలో గెలుపొందిన విద్యార్థులందరినీ సెప్టెంబరు నెలలో మహారాష్ట్రలో గాంధీజీ స్థాపించిన సేవాగ్రం ఆశ్రమానికి తీసుకు వెళ్లనున్నట్లు గాంధీ స్మారక నిధి సభ్యులు తెలిపారు.

ఇదీ చదవండి :

వర్షంలోనూ... వరద బాధిత ప్రాంతాల్లో చంద్రబాబు పర్యటన