గుంటూరు జిల్లా తాడేపల్లి మండలం వడ్డేశ్వరం కేఎల్ డీమ్డ్ యూనివర్సిటీ ఉపకులపతి డాక్టర్ ఎస్ఎస్.రెడ్డి ఆకస్మికంగా మృతి చెందారు. మంగళవారం మధ్యాహ్నం గుండెపోటు రావడంతో.. కుటుంబ సభ్యులు ఆస్పత్రికి తరలించారు. అప్పటికే ఆయన మృతి చెందినట్లు వైద్యులు తెలిపారు.
కేఎల్ యూనివర్సిటీలో వివిధ హోదాల్లో డాక్టర్ ఎస్ఎస్. రెడ్డి పనిచేశారు. విద్యా సంస్థకు డీమ్డ్ యూనివర్సిటీ హోదా, NAAC - A++ తో పాటు రాష్ట్ర స్థాయి, కేంద్ర స్థాయిల్లో ప్రతిష్ఠాత్మక అవార్డులు, గుర్తింపులు రావటంలో కీలక పాత్ర పోషించారు. వీసీ వీసీ ఎస్ఎస్.రెడ్డి మృతి పట్ల కోనేరు లక్ష్మయ్య విద్యా సంస్థ అధ్యక్షులు కోనేరు సత్యనారాయణ, ఇతర అధ్యాపకులు సంతాపం ప్రకటించారు.