ధ్వజ స్తంభం ఏర్పాటులో.. బోల్తా కొట్టిన క్రేన్
తెలంగాణలోని జగిత్యాల జిల్లా కొడిమ్యాల మండలం బోల్లోనిచెరువు గ్రామంలో అపశ్రుతి చోటుచేసుకుంది. ఆలయ నిర్మాణ పనుల్లో భాగంగా ధ్వజస్తంభం ఏర్పాటుకు క్రేన్ ఉపయోగించారు. కానీ ధ్వజస్తంభం బరువుతో క్రేన్ అదుపు తప్పి పక్కకు పడిపోయింది. ఈ ఘటనలో ఆలయం గోడ కూలింది.
ఆపరేటర్ చాకచక్యంగా దూకటం వల్ల స్వల్ప గాయాలతో బయట పడ్డాడు. హనుమాన్ ఆలయం ఆవరణలో త్రుటిలో పెను ప్రమాదం తప్పిందని స్థానికులు చెబుతున్నారు.