దసరా పండుగ సందర్భంగా దక్షిణ మధ్య రైల్వే పలు ప్రత్యేక రైళ్లను ప్రకటించింది. పండుగ సమయంలో సొంతూళ్లకు వెళ్లేందుకు రాకపోకలు సాగించే ప్రయాణికుల రద్దీని దృష్టిలో ఉంచుకుని 22 ప్రత్యేక రైళ్లను నడపనున్నట్టు వెల్లడించింది. ఈ మేరకు పలు స్టేషన్ల మధ్య రాకపోకలు సాగించే ప్రత్యేక రైళ్లకు సంబంధించి వివరాలను దక్షిణ మధ్య రైల్వే అధికారులు ట్విటర్‌లో పోస్ట్‌ చేశారు. ఈ ప్రత్యేక రైళ్లను నడిపే తేదీలు, రైలు నంబర్‌, ఏ స్టేషన్‌లో ఎన్ని గంటలకు బయల్దేరుతుంది.. గమ్యస్థానానికి చేరే సమయమెంత? తదితర వివరాలు ఇవిగో..! లాక్‌డౌన్‌ తరువాత రైల్వేలు పూర్వపుస్థాయిలో రైలు సర్వీసులను ఇంకా పునరుద్ధరించలేదు. రెగ్యులర్‌ సర్వీసులకే స్పెషల్స్‌ అని నడిపిస్తున్న విషయం తెలిసిందే.
South Central Railway: దసరాకు ఊరెళ్తున్నారా? ప్రత్యేక రైళ్ల వివరాలివే..
దసరా ప్రయాణికుల రద్దీని దృష్టిలో ఉంచుకుని దక్షిణ మధ్య రైల్వే కొన్ని ప్రత్యేక రైళ్లను నడిపేందుకు సిద్ధమైంది. వాటి వివరాలతో కూడిన పట్టికను విడుదల చేసింది.
festival special trains