విజయవాడ దుర్గమ్మ సేవలో ఎల్వీ సుబ్రమణ్యం
ప్రభుత్వ ప్రధాన కార్యదర్శి ఎల్వీ సుబ్రమణ్యం విజయవాడ కనకదుర్గమ్మను దర్శించుకున్నారు. ఆలయ మర్యాదలతో అధికారులు సీఎస్కు స్వాగతం పలికారు. దర్శనానంతరం వేద పండితులు ఆశీర్వచనాలు అందించారు. ఆయన మాట్లాడుతూ.. ఇంద్రకీలాద్రిని అన్ని విధాల అభివృద్ధి చేసేందుకు ప్రభుత్వం కృషి చేస్తోందని తెలిపారు. దసరా ఉత్సవాలను ఘనంగా నిర్వహించాలనీ.. భక్తులకు ఎలాంటి అసౌకర్యం కలగకుండా చర్యలు తీసుకోవాలని అధికారులకు సూచించారు.