తనపై నమోదైన కేసు కొట్టేయాలని.. తెలంగాణ హైకోర్టును ఆశ్రయించిన సీఎం జగన్

15:02 March 29

తెలంగాణ హైకోర్టును ఆశ్రయించిన సీఎం జగన్

ఎన్నికల నియమావళి ఉల్లంఘన కేసు కొట్టివేయాలని కోరుతూ ముఖ్యమంత్రి జగన్ తెలంగాణ హైకోర్టును ఆశ్రయించారు. 2014లో హుజూర్‌నగర్‌లో నమోదైన కేసు కొట్టివేయాలని క్వాష్ పిటిషన్ దాఖలు చేశారు. 2014లో అనుమతి లేకుండా రోడ్ షో నిర్వహించారన్న అభియోగం మేరకు జగన్‌పై అప్పట్లో కేసు నమోదైంది. ఈ కేసుపై నిన్న (సోమవారం) నాంపల్లి ప్రజాప్రతినిధుల కోర్టు విచారణ జరిపింది. జగన్​కు ఇంకా సమన్లు ఇవ్వలేదని తెలంగాణ ప్రభుత్వ న్యాయవాది కోర్టు దృష్టికి తీసుకురాగా.. ఈనెల 31 లోగా జగన్​కు సమన్లు ఇవ్వాలని ఆదేశించింది. దీంతో జగన్ తెలంగాణ హైకోర్టును ఆశ్రయించారు. జగన్ హాజరుపై న్యాయస్థానం ఏప్రిల్ 26 వరకు స్టే విధించింది.

ఇదీ చదవండి: ఈనెల 31 లోగా సీఎం జగన్​కు సమన్లు అందించండి: నాంపల్లి కోర్టు