రైతన్న కళ్లల్లో ఆనందం నిండాలి: చంద్రబాబు
ఆంధ్రప్రదేశ్ అన్నపూర్ణ కావాలన్నదే తన ఆకాంక్ష అని తెలుగుదేశం అధినేత చంద్రబాబు తెలిపారు. జీవనదులు కృష్ణా, గోదావరి పరవళ్లు తొక్కుతుండటం.... రిజర్వాయర్లలో జలకళ సంతరించుకోవటంపై ట్విటర్లో హర్షం వ్యక్తం చేశారు.
chandrababu_tweet_about_water_projects
నదీ నదాలన్నీ నీటితో నిండి... జలాశయాలు కళకళలాడాలని తెదేపా అధినేత చంద్రబాబు ఆకాంక్షించారు. రైతన్న కళ్లల్లో ఆనందం నిండాలన్న చంద్రబాబు... ప్రతి నీటిచుక్క సద్వినియోగం కావాలని ఆకాంక్షించారు. గత 5 ఏళ్లలో 21 ప్రాజెక్టుల నిర్మాణం పూర్తి చేశామని....వేలాది చెక్ డ్యామ్లు, పది లక్షల పంటకుంటలు తవ్వించామని తెలిపారు. నీరు - చెట్టు, నరేగా పనులెన్నో చేశామని... తాము చేసిన పనులకు సార్థకత కృష్ణమ్మ పరవళ్లు, తల్లి గోదావరి జలధారలతోనేనని ట్వీట్ చేశారు.