వివేకానంద జయంతి సందర్భంగా తెలుగుదేశం అధినేత చంద్రబాబు నివాళులు అర్పించారు. యువతకు శుభాకాంక్షలు తెలిపారు. ఈ సందర్భంగా జాతికి వివేకానంద చేసిన సేవలను గుర్తు చేసుకున్నారు. యువతకు వివేకానందుడు ఆదర్శంగా నిలిచారని.. సందేశాలను విస్తృతంగా వ్యాప్తి చేయాలన్నారు.
ఇనుప కండరాలు, ఉక్కు నరాలు, వజ్ర సంకల్పం ఉన్న యువత ఈ దేశానికి అవసరం అని వివేకానంద స్వామి అన్నారు. రాష్ట్రంలో యువత అడుగడుగునా నిరాశ, నిస్పృహలో కూరుకుపోయి ఉందని తెదేపా జాతీయ ప్రధాన కార్యదర్శి నారా లోకేష్ విమర్శించారు. భారతీయ యువతరంలో చైతన్యం నింపడానికి, ఆత్మ విశ్వాసం కలిగించడానికి తన జీవితమంతా కృషి చేసిన స్వామి వివేకానంద జయంతి సందర్భంగా ఆ మహాశయునికి నివాళులు అర్పిస్తున్నానని తెలిపారు.